"Sejarah ni BORU NAITANG"BY A.Gabe SITINDAON/BR Manurung dohot anak na Gomgom Nikholaus Gomgom Nikholaus Siapudan Sitindaon
Horas ma dihita salahutna, jumolo sahali andorang sohusurat on, marsantabi au tu sude akka Raja ni dongan tubukku, tarlumobi sombakku tu akka hamu daoppung,akka damang,dohot haha anggikku mangihut ma muse tu boru nami sudena.
Ia marga Naibaho ima, anak no 1 (siangkangan) ni SiRaja Oloan do , mangaranto ma Naibaho on sahat tu Pusukbuhit jala mambuat boru ma ibana disi, boru ni tulangna Limbongmulana. Marpinompar ma Naibaho 4 anak dohot 2 Boru, ia anak no 1. ima namargoar Porhasjapjap, anak no 2. Tolpaklading, no 3. Guru Sodumpangon, no 4. Guru Helung jala sude halakhon, Naibaho do marga na. Marhuta di Pangururan do si Porhasjapjap jala mangoli disi do ibana, marpinompar ma ibana anak no 1 Siahaan (goar do on, ndang marga, ia marga na hot do Naibaho), no 2. Sitangkaraen, no 3. Sidauruk, no 4. Huta Parik, no 5. Siagian.
Sian anak na no 1. Siahaan Naibaho i, marpinompar ma ibana 5 Anak dohot 1 Boru jala songon on ma partording na: no 1. Op. Bonabius, no 2. Op. Pisarlangit, no 3. Simanjalo, no 4. Inarnaiborngin, no 5. SiBoru Naitang (Boru), no 6. Si Amporik (si Amporik on laho do tu Sidikalang alai gabe Sihotang do marga ni pinomparna disi).
Ia Inarnaiborngin silinduat (kembar) do ibana tubu dohot ibotona SiBoru Naitang jala masihaholongan do nasida ndang sian pamotoan ni amang na Siahaan Naibaho i. Dung tang pamatang ni SiBoru Naitang, dipamuli Siahaan Naibaho ma ibana tu anakni Ompu Palti Sinaga na sian huta Urat hape, ndang diboto tung naso lomo do roha ni SiBoru Naitang tu anak ni Sinaga i, ai sai tu ibotona Inarnaiborngin do rohana, songoni pe Inarnaiborngin, diihuthon do ibotonaon sahat tu huta ni Sinaga di Urat jala martabuni-tabuni do ibana manjumpangi ibotonai.
Ala tung i ma holong ni roha ni halaki nadua, mardos ni roha ma Inarnaiborngin dohot SiBoru Naitang naeng pamatehon Sinaga sinonduk ni SiBoru Naitang. Di na sahali, didok SiBoru Naitang ma tu simatuana Ompu Palti Sinaga asa mebat ma jolo nasida tu huta ni natorasna di Pangururan dohot Sinaga sinonduk na i. Di oloi Ompu Palti Sinaga do pangidoan ni parumaen nai jala denggan do dipaborhat halak i nadua.
Di tingki na borhat halak i, mangihut do sada biang ni Sinaga i mandongani, ndang sian pamotoan ni Sinaga i, mangihut do tong Inarnaiborngin sian na dao ai(Ilmu hadatuan na), naung songoni do sangkap ni halak i na dua dohot SiBoru Naitang. Dung sahat di Urukbolon, maradian jala marbornginma jolo halaki disi, hape las disi do dipusa jala diseat Boru Naitang anak Sinaga i, laos mate ma tutu Sinaga i. Digulang siboru Naitang ma bangke ni Sinaga i tu rura na disi. Didatdati SiBoru Naitang ma mardalan tu huta ni Natorasna di Pangururan , di na naeng sahat Siboru Naitang dihuta,diharorona. Songon na longang do antong roha ni Siahaan Naibaho boasa gabe holan boru naro..hape dunga mardenggan daging(hamil) hape dang diboto bapak na ima naibaho siahaan bahwa na dibortian ni boru na hape anak na sian ibotoho na maporhas (kembar)inarnaborngin. alai ndang pola ganjang disungkun boru nai.boasa holan ibana na roho. Kembali masung topik sejarah
Ndang sian pamotoan ni boru naitang , mulak do biang ni Sinaga i sasada sa tu huta Urat ala naung mate tuanna. Gaor ma tutu sahuta ni Ompu Palti Sinaga mamereng parmulak ni biang i sasada sa, gabe diarah hon ma biang i asa patuduhon inganan parsiranganna dohot tuanna. Gabe dapot ni Ompu Palti Sinaga ma antong bangke ni anak na i di rura Urukbolon, alai, ianggo pamotoanna antong, SiBoru Naitang do na maneat Sinaga anak nai. Humalaput ma Ompu Palti dohot angka dongan sabutuhana borhat tuhuta ni Siahaan Naibaho laho mangido uhum.
Songonon ma didongkon Ompu Palti dung na jumpang ibana dohot Raja ni Parboru marga Naibaho :“Ia on do Rajanami, uhum na so dung ro do on, patik naso dung masa pambahenan ni Boru muna i, ai dibunu do Sinondukna ! Jagar do nasida hupaborhat dohot Anakki, laho mangebati hamu, hape ido dalanna laho mamunu Anakki, on pe, paboa hamu ma uhum sidabuhononmu tu Boru muna asa hutangi hami !”
Mangido tingki ma antong Siahaan Naibaho asa disungkun ma jolo SiBoru Naitang. Di na mangkatai Siahaan Naibaho rap dohot angka dongan tubu na, gabe diboto ma antong na masi haholongan do SiBoru Naitang dohot ibotona Inarnaiborngin jala marporhas (mengandung)(ima sejarah na sian topik awal nakking dung di pamuli siboru naitang tu marga sinaga hape nungga mardenggan daging siboru naitang.jala hubungan ima dohot iboto na nunga iboto hian,bapaudah ima naibaho hutaparik jala alani ima siboru naitang mangoloi muli tu anak sinaga asa unang diboto hubungan sian iboto na). alai, dang, gariada, las diolohon SiBoru Naitang do na ibana maneat sinonduk nai.ima anak sinaga i.
Gabe songonon ma antong alus ni Parboru tu Paranak marga Sinaga i : “Ba ido tutu, hami pe dohonon nami do naso uhum do na binahen ni Boru nami i, on pe, balga ni uhum naso targarar do, ba, nongnongan nama Boru nami i tu tao”.Alai, andorang so dialusi Naibaho sungkun2 ni Raja Paranak Sinaga i, marpadan ma Raja Naibaho dijolo ni sude dongan sabutuhana mandok ; naso hea adong anak na margoar Inarnaiborngin jala ontak nion, ndang jadi dohonon goarna manang di dia pe songoni pe manaringoti. Asa ingkon haruar ma Inarnaiborngin sian huta borngin i, jala ndang jadi dohononna na Naibaho do marga na manang tu dia pe ibana laho(On ma sumpah tu Inarnaborngin iam dibolokon tu hutan). Ditingki i, boi do pamate on jolma naso marmarga manang bahenon gabe hatoban – ndang adong uhum na.
maporus ma siboru naitang laho tu huta ni ama paitonga (Sidauruk), disi ma ditinggalhon SiBoru Naitang. Asa unang diboto jolma sahuta bahwa siborunaitang nunga mardenggan daging sian iboto na..ima tubu sian naporhas(kembar)inarnaborngin.alai
Ala denggan do pamatang ni SiBoru Naitang ditingki i, gabe dipaima Naibaho ma antong asa jolo sorang dakdanak na dibortian i. Dung sahat tingki na, sorang ma tutu sada anak baoa sian SiBoru Naitang - nanisuan ni Inarnaiborngin – dibahen ma goarna Sitandaon (Sitindaon molo soanari ) jala ompungna Naibaho Hutaparik ma pagodang-godang las marhuta di Pangururan do Sitindaon on.Nb,,goar na Sitandaon on sebelum sumpah(uhum) tu Siboru naitang naeng dipanonong tu tao toba
Dang sadia leleng dung na sorang i Sitindaon, ditalihon Naibaho ma batu na dokdok tu pamatang ni SiBoru Naitang dungi digulang ma ibana tu tao i, alai sai mumbang do muse jala tangis-tangis siboru naitang mamereng anak nai ima sitindaon.. Marsogot nai, dibahen ma muse batu naum dokdok alai, sai tong mumbang muse tu ginjang. Pola loja halak bapak, manganongnongi ganup ari,dang boi ahu mate ahu .ujungna di dok SiBoru Naitang ma songonon :”Malojahu ma ahu ale Amang napinanongnongnongnong muna i, maradu marsingkor huhilala ganup ari. I pe, adong pangidoanhu tu hamu akka bapaku..roma bapaudh Naibaho Hutaparik dianju ma boru nai ahai boru ma pangidoanmi boruku.molo ido mambaen ho sonang ,sambil tangis parhuta i dohot bapaudh nai ima naibaho hutaparik manganju siboru naitang .jala didok siboru naitang,baen hamu goar ni anak ku SITANDAON.Asa tanda ibana tubu sian namariboto anakki ima tubu naiporhas)jala unang adong be songon ahu na mangkaholongi ito na dan bahen hamu ma sada tambakku, suan hamu ma disi hau jabijabi asa adong parsiaunan boruadi. Miahi hamu ma sada manuk di ahu, bahen hamu ma sada hajut dohot sada lage, peakhon hamu ma sude i di tambak i, jala adong 10 sumpah nin boru naitang 1-5 ima tu naibaho siahan,naibaho sitakaraian .sidauruk dan naibaho siagian dohot 6-10 tu Naibaho Hutaprik dohot Sitindaion (alai dang berani mengungkap sumpah ni siboru naitang toka dohot borat dipaboahon tu umum) asa bulus mate boruadi”ima tona siboru naitang .
Dung dibege songoni hata ni SiBoru Naitang, dibahen halak i ma tutu songon na pinangidoan na i, dung i, dipangido SiBoru Naitang ma asa ditalihon sada Losung dohot Andalu tu pamatang na las mardalan ma ibana tu tao i, torus sahat tu toru laos so tarida be....
Ia tambak i, gabe Parsombaonan ma i di ujungna sahat tu sadari on.Saonnari pe.ima dipanguruan jln sianjur mula-mula Desa tajur.ima pamotoku ku sejarah NI Boru naitang.
Mana tau ada yang kurang lebih, mohon diberi saran kepada penulis untuk memperbaikinya, dan saya minta maaf kepada seluruh pembaca atas kekurangan dan kelebihan di dalam tulisan saya ini. Trimakasih
